Во изминатите 24 часа се регистрирани нови 68 случаи на ковид-19, со што бројот на заразени со вирусот во земјава се искачи на 828 лица. Како што соопшти Министерството за здравство (МЗ), по градови во Скопје се регистрирани 15 лица, во Куманово – 18, Прилеп – 14, во Струга – 10, во Велес – 6, во Тетово -2 и по едно лице во Битола, во Гостивар и во Кочани.
На Инфективната клиника во Скопје се примени двајца нови пациенти, а вкупно хоспитализирани се 69. Од нив, 18 се на кислородна поддршка, а осум на респираторна машина. Во ГОБ „8 септември“ примени се девет нови пациенти, а вкупно се хоспитализирани 31 пациент, од кои шест се на респираторна машина.
Во болницата во Битола се хоспитализирани шест пациенти. Тие се стабилни, а еден пациент е повремено на кислородна поддршка. На домашно лекување се следат осум пациенти со лесна клиничка слика. Во болницата во Штип е хоспитализирани 13 пациенти, а уште 13 се следат на домашно лекување, додава Министерството за здравство.
Во изминатото деноноќие направени се 404 теста, а досега направени се вкупно 8.057 тестирања на коронавирус.