Ден по есклацијата на социјалните протести во БИХ, во кои над 200 луѓе беа повредени, а десетина приведени, граѓаните се собираат на нови протести во Бихаќ, Коњица, Бугојно и Сански Мост.
На централниот плоштад во Бихаќ има неколку ијади луѓе, јавуваат тамошните медиуми, а во Коњица 200 луѓе мирно протестираат, а полицијата го обезбедува собирот.
Во Бугојно се протестираше од 12 до 14 часот, каде главно млади луѓе излегоа на улица и побараа смена на кантоналната влада, потоа преиспитување на приватизацијата и потеклото на имотот на најбогатите граѓани.
Социјалните протести започнаа пред три дена во Тузла, па се проширија во Сараево, Мостар и Зеница. Таму денеска е мирно, пожарите во зградите се изгаснати, а на улиците останаа остатоците од оштетените трафики, постојки и телефонски говорници.
Непроценлива штета е направена во Сараево, каде гореше Архивот на БИХ, кој се наоѓа во зградата на Претставништвото на БИХ, каде се уништени важни историски документи, посебно архивскиот материјал од периодот на австроунгарското владеење 1878-1918.
Во Тузла беше запалена зградаа на кантоналната влада и зградата на општината. Демонстрантите по масовните протести во вечерните часови продлжија да се движат низ градот при што кршеа излози и разни објекти.
Во Мостар е запалена зградата на Владата на Херцеговачко-неретванскиот кантон, зградата на градското собрание и просториите на Хрватската демократска заедница на БИХ.
Во Зеница и Бихаќ демонстрантите ги запалија згрдите на кантоналните влади. Во Брчко вчера незадоволните граѓани го заробија но подоцна го пуштија градоначалникот Анте Домиќ. Повредени се десетина полицајци и граѓани, еден новинар е однесен во болница, кој бил погоден со камен во главата.
Вчера оставка си поднесе Владата на Зеничко-добојскиот кантон, како и премиерот на Тузланскиот кантон, Сеад Чаишевиќ.
Протестите почнаа во средата во Тузла поради тешката економска и социјална ситуација, по што се проширија низ другите градови и прераснаа во насилство.