Потпретседателот на ВМРО-ДПМНЕ, Владо Мисајловски, на прес конференција објави дел од кандидатите за градоначалници од ВМРО-ДПМНЕ за следните локални избори кои ќе се одржат на 17-ти октомври 2021.
– ВМРО-ДПМНЕ на последната седница на Централниот Комитет усвои нови кандидати за градоначалници за претстојните локални избори. Главната карактеристика е што огромно мнозинство се млади, некомпромитирани и нови имиња кои ќе внесат нова енергија, жар и ентузијазам за повеќе работи и многу успеси во развојот на општините, изјави Мисајловски.
Според него, ова се кандидатите кои ќе ја сочинуваат новата генерација на луѓе кои ќе настапат на политичката сцена и ќе го креираат развојот на општините во нашата земја.
– Нашата цел е да одиме на победа, да ги решаваме проблемите и да работиме за развојот на Република Македонија. Изборот е помеѓу стари, компромитирани кадри на власта, и нови луѓе, кои носат свежина и компетентност за големи чекори напред за сите луѓе во Македонија, додаде Мисајловски.
- Тони Михајловски за Куманово
- Александар Стојковски за Ѓорче Петров
- Дарко Костовски – Бутел
- Жарко Ристески – Македонски Брод
- Дејан Владев – Свети Николе
- Димчо Атанасовски – Македонска Каменица
- Елеонора Рашковска – Берово
- Зоран Здравески – Чашка
- Маријан Миленковски – Пробиштип
- Миле Петков – Виница
- Александар Китански – Пехчево