Оскаровецот Роман Полански е обвинет за сексуално малтретирање од страна на артистка која тврди дека на 10-годишна возраст бил фотографирана од Полански комплетно гола.
Мариан Бернард, артистка од Санта Барбара, Калифорнија, започнала петиција во која бара познатиот режисер да биде отстранет од историјата на Американската филмска академија позната како Оскар.
Според неа, со Полански се запознала во 1975 година на Малибу каде што била со нејзината мајка. Таа тврди дека Полански сакал да ја фотографира во крзнено палто што мислела дека е фотографија за во магазин.
„Носев бикини и мислев дека позирам како модел. Како дете неколку пати сум го правела тоа и мислев дека ова е нешто слично и ништо страшно. Прво ме сликаше во бикини и потоа во палто, а потоа побара да го соблечам горниот дел од костимот за капење, што мислев дека е во ред бидејчи како 10-годишно дете често го правев тоа“.
Бернард вели мајка и не била присутна кога Полански ја нападнал а молчела до сега бидејќи била исплашена да зборува за тоа.
„Посакувам да бев храбра и да зборувам, да го кажам тоа на пријател, на родител или на некоја учителка. Можеби ако го направев тоа, Полански немаше да има можност да малтретира други девојчиња“, вели таа во изјава за „Сан“.
Овој месец и германската актерка Рената Ленџер го обвини Полански дека ја малтретирал кога била тинејџерка во 1972 година.
Роман Полански е во постојан судир со законот, а беше осуден и за силување.