Калина Коси: Следиме европски трендови така? Колку новинари има во државата? Каде се? Што прават? Им текнува да направат некои споредбени анализи и да им ги затворат устите на политичарите кои не лажат секој ден дека сме 3ти у Европа, 5ти у Свет и дека следиме европски стандарди? На пример, да одговорат на следниве прашања:
– Колкава е разликата меѓу минималната плата и функционерската плата во развиените држави во Европа? Ни викаат доста ви се 400 евра, а функционерите живеат со 3000 евра, па да видиме за кого тоа важат европските стандарди.
– Каков е соодносот меѓу минималната плата и потрошувачката кошничка во Европа? Ни викаат имаме најевтин леб. Ајде да видиме колку леба можат да се купат со минимална плата во Германија и овде.
– Колкави се казните за злоупотреба на службена положба и овластување, местење тендери и слично во Европа? Кај нас си се амнестираа, ајде да видиме во која друга држава не одговараш за вака тешко кривично дело.
– Какви се европските стандарди за санкционирање на фабрики кои во сред главен град трујат пола милион народ? Баш да видиме дали тие европски стандарди ги следиме?
– Која е висината на казните за сообраќајни прекршоци фатени на камера и каков е соодносот меѓу висината на казните и минималната плата? Ајде да видиме во која друга држава имаш казна од 500 евра, а минимална плата од 400 евра?
– Колку казина, обложувалници и заложни куќи има во Норвешка, Франција, Англија по глава на жител, а колку во Македонија? Да видиме нели, колку државава се грижи за младите.
– Какви се обврските за транспарентност во трошење јавни пари во развиените земји во Европа? Постои ли држава во светот во која смееш да земеш 1 милијарда евра кредит, да си ги поделиш парите на приватни фирми и да ги прогласиш за државна тајна податоците на кого тоа се си дал и колку пари?
– Колку полицајци шпартаат по улици 24/7 у развиените држави? Колку полицајци има по глава на жител? Ако сме тука некаде, каде се нашите?
Милион вакви прашања кои треба да се поставуваат и одговараат секој божји ден!
– Па и ова прашање би ме интересирало, на пример, колку новинари со диплома по глава на жител има во развиените држави? Па да видиме што се овие нашиве кои што знаат да постават само едно прашање „Како успевате да се носите со сите постигнати успеси господине политичар“?
Новинари, аналитичари, истражувачи, како сакате наречете се. А да седневте да ги згреете тоа столчињата со малку работа и да го информирате народов за тоа што му се случува и што му прават, да придонесевте со нешто корисно, да влијаевте со нешто на освестување барем на оние неинформираните и со испрани мозоци? Кога?
Извор: Фејсбук