Издавачката куќа “Везилка2011” објави ново издание на стихозбирката “Каинавелија” од знаменитиот македонски поет и писател Славко Јаневски.
“Каинавелија” се смета за едно од ремек-делата на овој автор, која со свежината и моќта на поетскиот јазик, како и со тематскиот опфат и денес просвучува мошне актуелно. Првото издание на “Каинавелија” излезе од печат во далечната 1968 година.
Стихозбирката “Каинавелија” содржи теи циклуси – Нож, човек, земја; Синаја и Анатомија. Наместо поговор кон ова издание е поместена песната Портокалов мрак од Ристо Лазаров, напишана и објавена на 29 јуни годинава.
Новото издание на “Каинавелија” може да се најде во сите позначајни книжарници во Скопје, а издавачот, кој своите претежно поетски изданија ги објавува независно, најавува и нови слични зафати.