Општина Центар заедно со полициската станица „Центар“, упати јавен повик во врска со последните настани со расфрлање отров низ цело Скопје, но посебно во општина Центар.
Богдановиќ потенцираше дека отровот, покрај тоа што е опасен за животните, може да биде фатален и за најмладите.
„Ние ќе излегуваме во контрола секој ден, но апелираме и за помош за пронаоѓање на луѓето кои фрлаат отров. Апелираме до граѓаните за било каков податок доколку затекнат сомнителен лик да расфрла отровни материи. Општината ќе дава парична награда за оној кој ќе даде било каков податок. Очекуваме ова да биде стимул за луѓето да ни дадат било каква информација“, рече Богдановиќ.
Градоначалникот на Општина Центар информираше дека секојдневно во општината добиваат четири до пет пријави за расфрлен отров и дека се спрема кривична пријава, но засега не се утврдени сторителите.
„Има некакви индикации, но се уште не знаеме за точно кои луѓе станува збор. Во соработка со Министерството за внатрешни работи ќе бидат извршени детални проверки и ќе се преземаат конкретни мерки“, најави Богдановиќ.
Тој смета дека станува збор за организирана акција и не верува дека отров расфрлаат неколку поединци,
Заменик командирот на полициската станица „Центар“, Милисав Мијалчиќ апелираше до сите кои чуваат миленичиња да се држат до законот за миленичиња, односно да носат каиш и маска за да не дојде до непријатни ситуации.