Според експертите овие законски измени, кои досега содржат најсеопфатен план за контролата на оружјето, Обама ги предложил во настојување да го канализира гневот на јавноста по масакрот во основното училишен во Њутаун.
„Ова повеќе не смееме да го одложуваме“, изјави Обама повикувајќи го Конгресот да ги одобри мерките, бидејќи „со секој ден чекање расте бројот на жртви од оружено насилство во САД“.
„И додека намалувањето на вооруженото насилство е сложен предизвик, заштитата на нашите деца не би требала да ни прави поделби“, нагласи американскиот претседател.
Поддржувајќи широк план за сузбивање на насилството, кој вклучува мерки на законодавната и извршната власт, според влијателните американски аналитичари, Обама ќе предизвика остар судир со влијателното американско лоби на производители на оружје и неговите приврзеници во Конгресот, кои сигурно ќе се спротивстават на она што се нарекува повреда на уставното право да се носи оружје.