Американскиот претседател Барак Обама уште еднаш повика на затварање на затворот Гуантанаму на Куба,при што наглaси дека тој затвор им штети на интересите на САД.
Изјавата на Обама доаѓа по бројните вести за штрајк со глад на затворениците, како и мерките на присилно хранење што се вршат над нив од страна на затворските служби.
-Затворот е штетен на меѓународен план, ја загрозува соработката со нашите сојузници во борбата против тероризмот и служи единствено како оружје за регрутација на екстремистите изјавил Обама.
Во затворот со глад штрајкуваат 166 затвореници, а во јавноста излегоа фотографии со столчиња за хранење на кои затворениците се врзани и ги хранат со сила. Поголемиот дел од нив се во притвор на „неодредено време“ без официјално обвинение.