Меѓу „крупните риби“ чии финансиски конструкции се откриени се поранешниот британски премиер Тони Блер, кралот на Јордан и кенискиот претседател Ухуру Кенијата, чешкиот премиер Андрехј Бабиш, украинскиот претседател Володомир Зеленски, мароканската принцеза Лалја Хасан…..
Повеќе од десетина шефови на држави и влади, милијардери, но и светски музички ѕвезди, криеле милиони финансиски средства на тајни офшор сметки во даночните раеви, се наведува во истрагата обелоденета денеска од Меѓународниот конзорциум на истражувачки новинари (ИЦИЈ).
Истрагата за таканаречените „Пандора документи”, во која учествувале околу 600 новинари од десетици светски медиуми, вклучувајќи ги „Вашингтон пост” и „Гардијан”, се темели на протекување на околу 11,9 милиони документи од 14 компании за финансиски услуги ширум светот.
Милионите документи доставени до новинарите откриваат како светските лидери, милијардери и познати личности ги користат даночните раеви.
Меѓу „крупните риби“ чии финансиски конструкции се откриени се и поранешниот британски премиер Тони Блер, кралот на Јордан и кенискиот претседател Ухуру Кенијата, чешкиот премиер Андрехј Бабиш, украинскиот претседател Володомир Зеленски, мароканската принцеза Лалја Хасан…..
Банкарските сметки на офшор локациите често пати се користеле за тајно преместување огромни суми пари и прикривање на даночните обврски.
Истражувањето на Меѓународниот конзорциум на истражувачки новинари (ИЦИЈ) и 150 медиуми низ целиот свет покажа дека 330 јавни службеници ширум светот се поврзани со офшор сметки.
Меѓу нив се министрите за финансии на Пакистан, Холандија и Бразил, како и поранешните министри за финансии на Малта и Франција – вклучувајќи го и поранешниот шеф на Меѓународниот монетарен фонд, Доминик Строс -Кан.
Еве до какви сознанија меѓу другото, дошле новинарите а пренесува Блумберг.
– Јорданскиот крал Абдула втори, поседува меѓународен имот во вредност од над 100 милиони долари вклучувајќи ја и вилата на калифорнискиот брег во Малибу, пренесе „Гардијан“. Кралските адвокати им рекле на новинарите дека не злоупотребил никакви јавни средства и се однесува со интегритет и за најдобар интерес на својата земја и на нејзините граѓани во секој момент.
-Во низата твитови, пакистанскиот Имран Кан напиша дека неговата влада ќе ги истражи „сите наши граѓани“ наведени во документите. Во извештајот на ИЦИЈ е наведено дека биле откриени седум политичари од Пакистан.
-Чешкиот премиер Андреј Бабиш, кој оваа недела повторно ја бара довербата од граѓаните за негов избор, го скрил купениот француски дворец вреден 22 милиона долара во 2009 година користејќи ги корпорациите. Бабиш не одговори на барањата за коментар, наведува Вашингтон пост, пренесува Блумберг.
-Американските држави вклучувајќи ја Јужна Дакота, Невада и Делавер, станаа скривалиште за финансиските тајни , а услугите познати дека се од доверба, им овозможуваат на богатите поединци да останат анонимни во своите финансиски дејствија , пишува Блумберг.