Душко Новаковиќ, еден од најугледните современи српски поети, инаку роден во Македонија, ја објави првата стихозбирка на македонски јазик. Книгата носи наслов „Капитулација“. Автор на изборот и препевот е Ристо Лазаров, а издавач е „Везилка 2011“.
Во „Капитулација“ се објавени 50 песни од Душко Новаковиќ.
Aвторот на препевот Ристо Лазаров, поезијата на Новаковиќ ја нарекува будна поезија.
„Таа е сета вдадена во животот, а и самиот поет излегува од животот – храбро, витешки да се судри со него и со сета негова исчашеност, да му излезе на мегдан на злото. Ништо не премолчува, никого не поштедува, остава уверливо сведоштво, неизбришливи траги во времето. Се’ гледа и чувствува – како најчувствителен сензор и сеизмограф, како човек со илјада очи: и љубовта и нежноста, и доброто и злото, особено злото и социјалните урнисувања. За Новаковиќ се право се вели дека ги има во едно и Енцесбергер и Херберт“, пишува Лазаров