Државната награда„Св. Климент Охридски“ за 2016 та година во областа на воспитанието и образованието му е доделена на проф. д-р Марко Китевски, фолклорист. Во областа на културата и уметноста, наградата им припадна на: проф. м-р Гордана Јосифова–Неделковска, музички уметник, проф. м-р Жарко Башески, скулптор, Весна Стојчевска, поетеса и Лилјана Мазова, театарска критичарка и публицистка.
Наградата на добитниците ќе им биде врачена на 8 декември 2016 година, во 12 часот, во свечената сала на Собранието на Република Македонија.
Оваа награда преставува највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.