„Како претседател на Република Македонија подготвен сум да се борам за Македонија. Уште во првите три месеци откога ќе бидам избран за претседател, ќе одам во Белата куќа, во Брисел, Берлин и ќе ја кажам вистината за Македонија“ кажа Владимир Ѓорчев на партиската конвенција во Струга.
Тој им порача на делегатите да гласаат за кандидатот кој победува со вмровското срце но и за кандидатот кој победил во сите 5 изборни циклуси. Дајте ми можност – гласајте за победник што знае што се избори“ кажа Ѓорчев.
Тој се обрати и на Унијата на жени, до ветераните на партијата и до Унијата на млади на кои им порача да гласаат за кандидат кој знае што значи кратенката УМС.
„Ова е најважниот говор во мојот говор и немојте да ме извисите – рече Ѓорчев. Ако ми ја дадете довербата никогаш нема да ве изневерам“ додаде тој.
Ѓорче кажа дека го подржува Мицкоски за иден премиер затоа што тој во тешки околности ја води партијата.
Владимир Ѓорчев е еден од 9 кандидати за претседател на државата на партиската конвенција. Најсериозен противкандидат му е професорката Гордана Силјановска.