Набљудувачите на ОБСЕ ОДИХР не забележаа никакво насилство и нерегуларности и доколку некоја партија има докази за прекршување на Изборниот законик, таа има правен систем на располагање како и механизмите на Државната изборна комисија за да ги оспори изборите, изјави денеска на прес конференција Одри Гловер, амбасадорка на ОБСЕ во земјава.
На прашањето, за обвинувањата на Груевски, Гловер одговори дека тоа се обвинувања со кои ОБСЕ не се занимава и упати на жалби преку правниот апарат. Според неа вториот круг од локалните избори бил конкурентен, а почитувањето на темелните слободи придонело да се одржат демократски избори.
Таа ја пофали работата на ДИК за која вели дека ја подобрила транспрантноста во работењето, меѓу двата круга. Меѓу забелешите што ги нотираат е дека премиерот за време на кампањата ветил владина поддршка за општиите со градоналачници од владејачката коалиција, што според нив ја поткопува на поделбата меѓу државата и партијата и е спротивно на стандардите на ОБСЕ.
Кампањата меѓу првиот и вториот круг, според ОБСЕ/ОДИХР генерално се одвивала во мирна атмосфера, а кандидатите ги воделе кампањите слободно и без ограничување, но ОБСЕ/ОДИХР исто така забележале конкретни наводи за притисок врз гласачите, заплашувања и купување на гласови од различни партии.
Во однос на медиумите, како што бара Изборбниот законик, Јавниот сервис обезбедил балансирано покривање, Според податпците на ОБСЕ/ОХИХР, тој посветил 25 отсто од информативното покривање за СДСМ, 24 за ВМРО ДПМНЕ, 20 за ДУИ, 15 за Беса. Приватните медуми, како и јавниот радиофузен сервис одвоил 40 отсто од просторот за СДСМ, а 35 за ВМРО ДПМНЕ.
За околу осум недели од завршувањето на изборите, ОБСЕ/ОДИХР ќе го објави финалниот извештај со забелешки и препораки.