Обвинителите од СЈО соопштија дека до нив се уште не стигнат писмен допис од Јавното обвинителство со кое Јовески ќе побара од нив да му ги предадат предметите. Во писменото соопштение тие изразуваат загриженост зашто нема избран наследник на Јанева ниту е донесен Законот за јавно обвинителство.
„Сакаме уште еднаш да ја изразиме нашата загриженост поради фактот што до овој момент ниту е избран јавен обвинител кој ќе ја замени Јанева, ниту пак е донесено ново законско решение со кое што ќе се регулира статусот на ова Јавно обвинителство.
Потсетуваме дека мандатот на СЈО е до 15 септември 2020 година, до кога продолжуваат работниот однос на вработените во Обвинителството и тековните обврски на институцијата.
Отсуството на регулатива за тоа што ќе се случува со вработените, тековните обврски, архивата и материјалите со кои располага Обвинителството, во ситуација кога нема раководно лице на институцијата, ќе доведе до реални проблеми во остварувањето на правата од работен однос на вработените лица и намирување на обврските на институцијата, а воедно ќе отсуствува и контрола на спроведувањето на безбедносните процедури поврзани со сите материјали со кои располага Обвинителството“ сооштуваат обвинителите од СЈО.
Денеска беше одложено рочиште за предметот „Транспортер“ поради одлуката за преземање на предметите од СЈО.
Судијата Добрила Кацарска рече дека имајќи предвид оти изминал рокот од три дена за преместување на предметите, и објавеното соопштение на Обвинителот Љубомир Јовески за преземање на предметите од СЈО, оневозможена е работата на судечкиот совет.
– Се надевам дека следните денови оваа ситуација во која што е целото македонско судство на некој начин заробено, не може да суди поради ваквата ситуација, па денешната расправа се одлага, а термините кои што се закажани од порано си остануваат“ рече Кацарска.
Транспортер одложен: Презмањето на предметите од СЈО го блокира судството