Ивица Андриевски жител на Сингелиќ, апелира за помош на улицата „Тодор Чопов“ потенцирајќи дека таму ситуацијата е многу сериозна. Тој вели по цел ден вртела полицијата и единиците за интервенција, дека побарале помош со неговата сестра но до сега никој од надлежните не се осврнал на нивниот повик.
– Сестра ми вртеше во полиција, во пожарна, во општина Гази Баба и само е препраќана од едни на други, ова е срамота, никој нема дојдено, вели Андриевски во апелот кој го испраќа преку НОВА.
Тој исто така нагласува дека на оваа улица воопшто не дошло возило на службите, иако се работи за како што вели тој “најоштетената куќа“ во населбата.
Андриевски напоменува дека токму во тоа соседство имало и две жртви од над 20-те кои досега ги потврди МВР.
