Агенцијата за храна и ветеринарство (АХВ) постапувајќи по добиена нотификација преку Системот за брзо известување за небезбедни производи на Европската унија (RASSF), поради недеклариран алерген – млечен протеин, од пазарот повлече и уништи путер од кикирики Bio Chocolate Chip peanut butter, увезен од Словенија.
Станува збор за производ со сериски број /лот: LO107, со рок на употреба 01.07.2023 година, од кој во ноември минатата година, со посочениот сериски број/лот, во земјава се увезени 30 парчиња.
„При контролата е утврдено дека операторот Зегин ги има запазено сите
процедури за повлекување и отповикување на небезбедниот производ од
производителот Nature‘s Finest, односно, преостанатите 6 затекнати парчиња биле
соодветно повлечени од пазарот и складирани на посебно место во магацин.
Небезбедните производи во присуство на инспектор за храна се уништени“,
вели директорот на Агенција за храна и ветеринарство Николче Бабовски.
„Крајните потрошувачи кои гo имаат купено овој производ со посочениот сериски број, да нe гo консумираат и да гo вратат на местото од каде гo купиле“, соопшти Агенцијата за храна и ветеринарство.