Од утре во Cineplex пристигнува одличната акциска комедија – филмот „Два пиштола“ во кој главните улоги ги толкуваат двократниот добитник на Оскар, Дензел Вашингтон и два пати номинираниот за наградата Оскар, Марк Вахлберг.
Двајцата агенти од различни агенции се принудени да работат заедно како партнери.
Меѓутоа, постои еден голем проблем во нивното партнерство: еден за друг не знаат дека се агенти на тајна задача.
Следните 12 месеци Роберт „Боби“ Тренч (Вашингтон), како припадник на Агенцијата за
откривање на дрога и Мајкл „Стиг“ Стигман (Вахлберг), како припадник на Агенцијата на американската морнарица, безволно соработуваат заедно на задачата за откривање на членовите на нарко-синдикатот верувајќи еден на друг исто колку што им веруваат на криминалците кои мораат да ги уапсат.
Откако нивниот обид за инфилтрирање во мексиканскиот нарко-картел ќе тргне на
лошо, односно кога во своите раце ќе завршат со дури 43 милиони долари, нивните претпоставени се откажуваат од нив, а за двајцата агенти не преостанува ништо друго освен да соработуваат заедно како не би завршиле во затвор или два метри под земја…
Дека станува збор за исклучително забавна комедија со постојана експлозивна акција
докажува и податокот дека филмот до сега заработи повеќе од 70 милиони долари низ светот и собра прилично позитивни оцени од светските филмски критичари.