Одложено е денешното прво рочиште за случајот „Таргет – Тврдина“.
Причината за одложувањето е затоа што не биле исполнети законските услови за да се одржи судењето, односно обвиниетите вчера ја доставиле листата на докази, но само во еден примерок.
Бранителите на обвинитетите денеска ветија дека уште во текот на денешниот ден доказите ќе ги достават и до СЈО.
По завршувањето на рочиштетото, бранителите на обвинитетите, кусо кажаа дека судењето било одложено поради процесни пречки, додека обвинетиот, поранешниот прв човек на УБК, Сашо Мијалков, не сакаше да открие какви докази предложиле вчера до судот.
Во случаите „Таргет“ и „Тврдина“, кои се споени во еден обвинителен акт, првообвинети се Мијалков, потоа поранешниот шеф на кабинетот на Мијалков, Тони Јакимовски, и уште десетина лица.
Обвинети во случајот се и началниците од УБК, Горан Грујовски и Никола Бошковски, кои избегаа во Грција и се наоѓаат во екстрадиционен притвор во Солун, откако на 18 октомври беа уапсени на солунскиот аеродром.
На денешното судење присутен беше и обвинетиот Владимир Варелов за кого медиумите пред неколку месеци пишуваа дека обвинетиот Горан Грујовски го користел неговиот идентитет.
Наредното рочиште е закажано да се одржи на 17.јануари.