Одложено судењето за членовите на Левица – Куновски се разболел

Поради болест на еден од обвинетите денеска повторно беше одложено судењето за членовите на Левица,  Здравко Савески и Владимир Куновски, кои се обвинети за учество во протестите.

Бранителот Сашо Дуковски достави документ за здравствената состојба на Куновски по што судијката која го води процесот го презакажа судењето за 18 јануари.

Савески и Куновски се обвинети за учество во толпа која извршила кривично дело демолирање на Канцеларијата на Иванов, за време на антивладините протести на 14. април. Тие речиси 50 дена поминаа во куќен притвор.