https://www.youtube.com/watch?v=m7kAfra5G8k
Исидора Керуљо, член на бразилската рагби репрезентација, е првата жена во историјата на Олимписките игри која беше запросена на теренот, од страна на нејзината девојка, Марјори Енија.
„Сакав да им покажам на луѓето дека љубовта победува. Само што дознав дека таа е во составот, си помислив –морам да го направам запросувањето посебно. Рагбистите се неверојатни луѓе и тие ќе го прифатат ова.“, изјави нејзината девојка Енија.
Енија која на Олимписките игри учествува како волонтер , ја запроси својата девојка Исидора Керуљо, рагбистка во бразилската репрезентација, веднаш по финалето во рагби за жени, каде за златото се бореа Нов Зеланд и Австралија.
Бразилската репрезентација заврши на 9то место, а златото дома го однесе Австралија.
Запросувањето беше проследено со страстен говор на теренот од страна на Морјори, како и со огромен аплауз.
Оваа година на Олимписките во Рио игри има најмалку 45 припадници на ЛГБТ заедницата помеѓу спортистите, а за првпат ќе учествува и брачен пар од ист пол кој ќе се натпреварува заедно во игрите.