Published: Sunday, April 30, 2017 16:21
Основното јавно обвинителство Скопје попладнево соопшти дека до овој момент се идентификувани петнаесет лица инволвирани во нередите кои се случија во Собранието. Оттаму велат дека до нив е поднесена кривична пријава од МВР и по неа интензивно постапувале.
„Во Основното јавно обвинителство Скопје досега се сослушани поголем број лица, припадници на полицијата. Сослушувањата кои се во тек ќе продолжат во функција на целосно документирање на кривично-правните настани во Собранието на РМ“.
За натамошните постапувања на надлежен јавен обвинител по пријавата и донесените јавнообвинителски одлуки, дополнително во текот на денешниот ден јавноста ќе биде информирана, велат од ОЈО Скопје.