Published: Monday, January 16, 2023 11:14
Британската хуманитарна организација Оксфам повика на итна акција за борба против глобалната економска нееднаквост во ерата по Ковид-19, откако беше утврдено дека две третини од новото богатство стекнато од почетокот на пандемијата отишло во рацете на еден процент од најбогатите луѓе во светот.
Во извештајот, чие објавување се совпаѓа со годишниот собир на светската елита на Светскиот економски форум во Давос кој почнува денеска, Оксфам наведува дека најбогатите собрале дополнителни 26 трилиони долари на крајот на 2021 година, јави „Гардијан“.
Тоа претставувало 63 отсто од парите од вкупното новостекнато богатство, додека остатокот отишол во рацете на 99 отсто од населението на планетата.