По повод Меѓународниот ден на лицата со посебни потреби, Народниот правобранител потенцирајќи го мотото „Општество за сите“, под кое годинава се одбележува денот, апелира дека кон остварување на оваа цел, сите треба да се стремиме за никој да не се почувствува дискриминиран, никој да не се почуствува различен од другите, исклучен.
„Тоа не обврзува сите нас да обезбедиме еднакви услови за остварување на правата во сите сфери – здравството, образованието, култура, вработувањето, остварување на избирачкото право…тоа значи пристап до се она што значи живеење на еден нормален секојдневен живот без препреки/пречки“, вели Омбудсманот.
Во оваа смисла, Народниот правобранител апелира и воедно ги потсетува сите чинители во општетството дека во наредниот период треба уште позабрзано и попосветено да работат на целосна интеграција на лицата со посебни потреби, што би значело остварување на нивните права.
„Интеграцијата, а не исклученоста е движечката сила на едно општество. Во тој поглед да ги направиме достапни за сите градинките, училиштата болниците, државните институции, телевизиските емисии…само на тој начин ке покажеме дека работиме за вистинските човечки вредности“, вели тој.
Народниот правобранител потецнира и дека не е доволно како граѓани да бидеме посветени само еден ден, туку и останатите 364 денови во годината.
„Само така ќе ја покажеме нашата грижа за секоја единка во општеството“, се вели во неговиот апел.