Омега 3 масната киселина или позната како рибино масло делува како птров врз клетките на туморот. До вакво исклучително откритие дошле научниците од Универзитетот Луван во Белгија анализирајќи ја поврзаноста помеѓу добрите месни киселини во човечкиот организам и клетките на ракот. Долгогодишната студија покажала дека познатата Омега 3 масна киселина која главно се среќава кај рибите, може да ги уништи клетките на туморот за само неколку дена. За да ја поткрепат оваа теорија, тимот научници и биоинженери прикажале тумор во 3Д варијанта кој буквално се распаѓа за неколку дена благодарение на дејството на познатиот омега 3 (ДХА), објави „Флорида нуз тајмс“.
Таканаречените „добри масни киселини“ се неопходни за здравјето на луѓето. Најголем бенефит меѓу нив имаат Омега 3 масните киселини, ДХА или докозахексаеноична киселина, кои се важни во регулирањето на функцијата на мозокот, острината на видот и воспалителните процеси. Покрај овие придобивки, ДХА е поврзана и со намалена инциденца на карцином.
Главното откритие на интердисциплинарениот тим на истражувачи од Универзитетот Луван само ги разјасни биохемиските механизми со кои ДХА и другите сродни масни киселини го одложуваат развојот на туморските клетки. Ова истражување неодамна било објавено во познатото списание „Метаболизам на клетките“.
Во 2016 година, тимот на Оливие Ферон, од Универзитетот Лувен, специјалист по онкологија, открил дека клетките во киселата микросредина (ацидоза) во рамките на туморот ја заменуваат глукозата со липиди како извор на енергија за размножување. Професорот Ферон, во соработка со Сирил Корбет од Католичкиот универзитет во Лувен во 2020 година, покажа дека истите овие клетки се најагресивни и се стекнуваат со можност да го напуштат оригиналниот тумор и да создаваат метастази.
Тимот откри дека клетките на туморот ја апсорбираат масната киселина, а резултатите кои ги добиле после неколку недели биле импресивни и неверојатни.
„Брзо откривме дека одредени масни киселини ги стимулираат туморските клетки, а други масни киселини ги убиваат“, објаснуваат истражувачите. Според нивното откритие, ДХА, омега 3 масната киселина буквално ги труе.
ДХА масната киселина, делува како отров на туморските клетки преку феноменот наречен фероптоза, еден вид клеточна смрт поврзана со пероксидација на одредени масни киселини. Колку е поголема количината на незаситени масни киселини во клетката, толку е поголем ризикот од оксидација.
„Овие масни киселини се чуваат во липидни капки, еден вид пакет во кој масните киселини се заштитени од оксидација. Сепак, во присуство на големи количини на ДХА, туморските клетки се пренатрупани, не можат да складираат ДХА и оксидираат, што доведува до смрт на клетките“, се вели во студијата на Универзитетот Лувен.
Во нивната студија, истражувачите на Универзитетот Лувен, користеле систем за култура на туморски клетки во 3Д, наречен сфероиди. Во присуство на ДХА, сфероидите прво растат, а потоа се распаѓаат. Тимот, исто така, спроведе студија, преку диета богата со Омега 3 масна киселина кај глувци кои имале тумри, што разултирало со значително побавен развој на туморот во споредба со оние глувци кои биле подложени на конвенционални диети.
Ова истражување од своја страна отвора нови можности за комбиниран третман на пациентите со малигни заболувања.
Оваа студија на тимот истражувачи од Лувен го потенцира бенефитот на ДХА во борбата против ракот. Научниците кои работеле на студијата препорачуваат сите возрасните лица да земаат по најмалку 250 мг ДХА на ден, наместо вообичеаните 50 до 100 мг кои луѓето ги земаат преку конвенционалните диети и суплементи.
Биљана Божиновска