Претседателот на СДСМ, Зоран Заев, денеска се сретна со коалициските партнери од опозицијата, соопштува оваа партија.
СДСМ и коалициските партнери ги разгледале начините за натамошно заедничко дејствување, по одлуката да не учествуваат на планираните лажни, нефер и недемократски избори.
СДСМ и партнерите од опозицијата одлучиле утре да потпишат Платформа за демократска Македонија, чијашто основна цел е слободна Македонија.
-СДСМ и коалициските партнери се цврсто одлучни за заедничко и бескомрпомисно делување во одбрана на законското и уставното функционирање на државата, правдата, вистината, иднината на Република Македонија.
На состанокот, СДСМ и коалициските партнери едногласно одлучија опозицијата да не ги повлече своите членови од Државната изборна комисија. СДСМ и партнерите се одлучни дека на 5 јуни не се возможни избори, ниту пак ќе учествуваат на таквите нерегуларни избори.
Но СДСМ и коалициските партнери ќе го обезбедат своето присуство и контрола на процесот на прочистување на Избирачкиот список, со цел да ги спречат манипулациите и злоупотребите што се обидува да ги прави власта на Никола Груевски.