„Оскар“ Академијата за првпат со Афро-американски претседател
Оскар организацијата, Академијата за филмска уметност и науки, го избра својот прв афро-американски претседател, маркетиншкиот извршител Шерил Бун Ајзекс.
Во последните три децении таа е првата жена која ќе биде на оваа позиција.
Во долгата кариера во сферата на маркетингот, таа надгледуваше кампањи за повеќе филмови вклучувајќи ги и Форест Гамп и Храбро срце.
Режисерот на Приказната за играчките и Коли, Џон Ласетер е исто така избран за прв заменик-преседател.
Бун Ајзекс беше претставник на одделот за односи со јавност на Академијата веќе 20 години, а работеше и како заменик-претседател.
Таа е избрана со мандат од една година со право на четири нови последователни. Бун Ајзекс доаѓа на местото на Хок Коч кој е неподобен за нов мандат.
На претседателите им е дозволено да ја вршат функцијата во четири последователни мандати се додека се во одборот на Академијата за филмска уметност и науки.
Бун Ајзекс во моментов раководи со CBI Enterprises, каде што работела во делот за маркетинг за повеќе филмови, меѓу кои „Уметникот“, „Говорот на Кралот“ и „Драгоцена“.
Во претходната функција како извршен заменик-претседател за глобален публицитет на „Paramount Pictures“, таа стоеше зад кампањите на филмовите кои освоија награда за Најдобра слика – Форест Гамп, и Храбро срце.
Претходно, Бун Ајзекс работеше и за „New Line Cinema“.
Извор: Би-Би-Си
Видеото води на преглед на Афро-американските добитници на Оскар.