Без да се подигнат обвиненија, со плаќање на кауција, ослободени се од притвор сите лица кои беа уапсени под сомнение дека се помагачи во заговорот за убиство на британскиот војник Ли Ригби.
Како што соопштува Скотланд јард тие ќе мора повторно да се јават на сослушување.
Ослободени се тројцата мажи на возраст меѓу 21, 24 и 28 години. Во саботата беа ослободени и деветте жени и еден 29 годишен маж кои први беа уапсени веднаш по убиството на војникот.
Во затвор останаа само двајцата убијци на Ригби, Британците од нигериско потекло, Мајкл Адеболаџо (28) и Мајкл Адебовале (22). Обајцата се од источните делови на Лондон и тие се уште се во затворската болница, под строга полициска заштита, откако беа ранети кога се обидоа, пукајќи по силите за безбедност, да избегаат од местото каде војникот беше брутално убиен.
Како што објавивме двајцата убијци нападот и бруталното убиство го прикажаа како „политички чин“ и одмазда затоа што британските војници „секојдневно убиваат муслимани“.