Централниот кризен штаб формиран за мерките против ковид-19, денеска дискутираше за измена на времетрањето на полицискиот час од 19 часот попладне до 5 часот наутро, објави на својот Фејсбук профил вицепремиерот за европски прашања, Бујар Османи.
По појава на коронавирусот во Северна Македонија, првично полицискиот час почна да се применува од 21 часот навечер до 5 часот наутро, одлука што беше на сила неколку дена и потоа беше заменета со времетрање на полицискиот час од 16 часот попладне до 5 часот наутро.
Воедно од Владата на неколку наврати информираа дека олеснувањето на рестриктивните мерки ќе почне да се применува по 1 мај.