Идентитетот, јазикот и другите идентитетски атрибути се прашања кои произлегуваат од правото на самоопределување на секој човек и никој не преговара за нив – дециден е шефот на дипломатијата Бујар Османи. Аргументираниот, мудар и рационален пристап во прегворите со Република Бугарија според министерот за надворешни работи, биле прилика да се надмине обидот за минирање на процесот од страна на поединци и политички групации, рече тој пред пратениците на собраниската Комисија за надворешна политика, каде информираше за текот на разговорите и севкупните односи меѓу Република Северна Македонија и Република Бугарија.
– Никој не преговара за идентитетот. Јазикот и другите идентитетски атрибути, тоа се прашања кои произлегуваат од правото на самоопределување на секој човек, народ и држава и оттука тоа е неприкосновено прашање за кое ниту некој има право да разговара и преговара, ниту некогаш сме прифатиле за тоа да се раговара. Се разбира дека не негирам, дека имаше обиди од поединци и политички групации, кои се обидуваа да наметнат таков пристап преку тезите: „негирање на идентитет“, „еден народ две држави“, „наметнување на еден единствен поглед на вистината“ но кои преку еден мудар, рационален, аргументативен пристап успеавме да ги отфрлиме како пристапи, а сега да разговараме само за пристапот „право на самоопределување на секој во согласност со постоечкото државно уредување“ – рече Османи.
Министерот истакна дека пакетот политички парашања именуван како „пет плус еден“ содржи важни прашања, кои сега се во фаза на размена на идеи и предлози, па затоа работните верзии во моментов не може да се елаборираат јавно. Османи потврди дека истите кога ќе станат работни верзии ќе бидат доставени до пратениците, со тоа уште еднаш алудирајќи на заеднички позиции кои околу овој процес, треба да ги изградат сите политички чинители во Собранието.
-Пакетот политички прашања именуван како „пет плус еден“ ги содржи прашањата кои за нас се важни, а тоа се: Спроведување на одлуката на Европскиот Совет од 20 март 2020-та година со одржување на првата меѓувладина конференција со јазикот како официјален јазик на Европската Унија без никакви додатни кваливикации, како и прашања поставени од Република Бугарија кои, како што реков, сега се сведени на принципот „право на самоопределување согласно уставното уредување на државите“, како и прашањето на говорот на омраза и рехабилитација на жртвите од комунизмот. Ништо повеќе ниту помалку не содржи овој пакет на политички прашања кој се разбира во моментот е во фаза на размена на идеи, нон папери и работни документи кои се предмет на разговори и кои се уште не сум во можност да ги претставам тука тие работни верзии затоа што тие се само работни предлози кои не се договорени. Но, секако доколку стигнеме до ситуација тие работни верзии да станат прифатливи за двете страни, пред истите да се одобрат ќе бидат писмено доставени до пратениците – кажа министерот за надоврешни работи Бујар Османи.