Османи: Очекувам 118 пратеници да гласаат за внесување на Бугарите во Уставот

Отворањето на Уставот за внесување на бугарското малцинство ќе помине со потребното мнозинство во Собрание, вели министерот за надворешни работи Бујар Османи.

-Земајќи ги изјавите на политичките партии, дури и на опозициската, по однос на отворање на Уставот и внесување на Бугарите, Црногорците и Хрватите, очекувам не само две-третинско мнозинство, туку 118 пратеници ќе гласаат „за“, кажа Османи.

Според него, прво тоа е наш интерес за да го утврдиме правецот на нашите односи со Бугарија, а второ затоа што е универзално право и немаме критериуми по кои што ги делиме граѓаните, освен 20% кој што е критериум по кој се утврдуваат некои колективни права, истакна Османи во дебата со уредници на телевизии.