Published: Friday, May 8, 2015 16:08
Опозиционите лабуристи на Ед Милибанд, доживеаја голем пораз, особено ако се земе предвид дека нивните предизборни анкети предвидуваа можност тие дојдат на власт.
Со 231 освоени пратенички места, ова е нивниот најлош изборниот резултат во последниве 30 години.
„Тешка и разочарувачкa ноќ за нашата партија“, изјави Милибанд во првиот коментар на изборните резултати.
Во емотивниот говор, Милибанд изјави дека е време некој друг да ја преземе функцијата лидер, но ја повика партијата да продолжи да се бори, наместо да падне во очај.
„Ја преземам апсолутната и целосната одговорност за поразот. Многу ми е жал за сите оние колеги кои ги загубија своите пратенички места“, рече тоj.