Свештеникот Ендру Брансон кој беше упасен и затворен во Турција денеска ќе пристигне со авион во воeна база близу Вашингтон и најверојатно истиот ден ќе ја посети Белата куќа, најави американскиот претседател Доналд Трамп.
„ Мило ми е што е враќа. Тој многу страдаше и многу сме благодарни на голем број луѓе, изјави Трамп. Запрашан дали ќе ги укине санкциите кон Турција, воведени поради апсењето на Брансон, Трамп рече дека немало никаков договор со Турција во врска со пуштањето на Брансон и укинувањето на санкциите.
Турскиот суд донесе одлука да го осуди на тригодишна затворска казна американскиот пастор Ендрју Бранссон, но судијата ги укина сите судски забрани – вклучувајќи ја и забраната за патување – што му овозможи веднаш да ја напушти Турција. Нему казната му е намалена поради добро однесување, а и со оглед на тоа дека веќе отслужил две години од казната, сметајќи го времето во притвор.
Весникот „Вашингтон тајмс“ објави дека Вашингтон и Анкара постигнале договор за ослободување на американскиот пастор Ендрју Брансон, кој е обвинет за тероризам во Турција, во замена за укинување на американските санкции кон Анкара.
Според весникот, договорот предвидува повлекување на дел од обвиненијата против Брансон, со тоа што тој би бил осуден на затворска казна во траење на периодот што тој веќе го мина во притвор или пак би му било дозволено остатокот од казната да го отслужи во САД.
„Вашингтон Пост“ тврди дека ваквиот договор бил постигнат на маргините на заседанието на Генералното собрание на ОН во Њујорк кон крајот на минатиот месец, на кое присуствуваа и претседателите на двете држави.
За Турција, уапсениот американски свештеник е шпион кој се обидел да ја собори Владата за време на обидот за државен удар од 2016 година. Но, за американските официјални лица, Брaнсон е невин христијански семеен човек, кој е погрешно задржан.
Брансон беше главна причина за дипломатскиот спор меѓу САД и Турција, поради што САД воведоа санкции и замрзнаа имот на двајца турски министри, но и ги зголемија царините за увоз на челик и алуминиум од Турција. Турција одговори со воведување двојно повисоки царини за производи од САД.




