Реал Мадрид подготвува нов договор за Велшанецот за наредните шест години
На неверојатни пола милијарда евра ќе гласи откупната клаузула во новиот договор што Реал Мадрид го подготвува за Герет Бејл. Велшкиот репрезентативец се гледа како клучна фигура во составот на Зидан и затоа „кралскиот клуб“ сака да се осигура од понуди за негов ангажман.
Бејл е на „Сантијаго Бернабеу“ од 2013 година. Според медиумите во Шпанија, управата на Реал Мадрид подготвува нов договор за Велшанецот за наредните шест години.
Манчестер јунајтед ги принуди „кралевите“ на ваков чекор. Силен интерес за Бејл прави Жозе Мурињо кој без сомнение може да му понуди исти услови како и во Мадрид. Пред неколку дена договорот беше продолжен и со Тони Крос, слично се очекува во наредниот период и со останатите реалови ѕвезди.