Индустриското производство во март оваа година е намалено за 13,4 отсто во споредба со истиот месец лани, а за периодот јануари−март 2020 година е помало за 3,7 отсто во однос на истиот период лани.
Според податоците на Државниот завод за статистика, индустриското производство во секторот рударство и вадење на камен во март 2020 година, во однос на март 2019 година, бележи пад од 10,8 отсто, во секторот преработувачка индустрија има пад од 14,3, а во секторот снабдување со електрична енергија, гас, пареа и климатизација, производството е намалено за 11,5 отсто.
Намалувањето на производството во секторот преработувачка индустрија е резултат, пред сè, на намаленото производство на пијалоци, на тутунски производи, на текстил, на облека, на други неметални минерални производи, на метали, на електрична опрема, на машини и уреди, неспомeнати на друго место и на моторни возила, приколки и полуприколки.
Според главните индустриски групи, производството бележи опаѓање кај енергија за 12 отсто, кај интермедијарни производи, освен енергија, за 11,9, кај капитални производи за 20,1, кај трајни производи за широка потрошувачка за 7,8 и нетрајни производи за широка потрошувачка за 11,1 отсто.