Вишиот управен суд ги поништи одлуките на Лустрациската комисија за поранешниот јавен обвинител Јован Трпеноски и писателот Божин Павловски, пренесе 24 Вести.
Трпеноски вели лустрацијата бсе користела за пресметка со неистомислениците.
„Идејата да се спроведе прочистување од почетокот беше извитопереност. Остана законот без идеја“, вели Трпеноски, кој одлуката своевремено ја слушнал од медиумите додека ручал со својата сопруга.
Одлуката за поништување на лустрацијата на академик Божин Павловски кој живее и работи во Австралија ја соопштија од Клуб Матица, од каде наведуваат и дека во образложението на судот стои дека лустрацијата се поништува поради погрешно и нецелосно утврдена фактичка состојба.
„Божин Павловски беше лустриран по неговата жестока реакција во медиумите по повод лустрацијата на починатиот академик Славко Јаневски“, велат оттаму.
Управниот суд неодамна ја поништи лустрацијата и на поранешниот амбасадор и министер Ѓорѓи Спасов, а претходно укинати беа и лустраците на новинарката Јадранка Костова, на новинарот Градимир Јовановиќ и на трите одлуки за претседателот на Демократскиот сојуз на Власите, Никола Бабовски.
Европскиот суд за човекови права од Стразбур пак ја поништи лустрацијата на екс претседател на Уставниот суд Трендафил Ивановски.