Социјалните мрежи се преполни со позитивни коментари за новогодишното украсување на општина Крива паланка.
Градоначалникот на Крива Паланка, Сашо Митовски вели дека за празничното украсување и осветлување воопшто не е потрошен денар од општинската каса, затоа што тоа е донација од компании од општината но и граѓани на Крива Паланка кои се на привремена работа во странство.
„Сите пари за украсувањето се обезбедени преку спонзорство од домашни и странски фирми. Кога велам странски, мислам на фирми на наши иселеници кои потекнуваат од Крива Паланка и околината. Украсувањето чини вкупно 12.000 евра, без да се потроши ниту денар од градската каса. Цел град е украсен, не само плоштадот. Има поубава и поголема елка, има куќички за греано вино, кафе, чај, колбаси, мекици, новогодишни украси“ вели Митовски кој на својот Фејсбук профил јавно им се заблагодари на донаторите.
Медиумите и социјалните мрежи се преплавени од фотографии од европските и балканските градови кои го живеат празничниот пулс, додека граѓаните и туристите што го посетуваат Скопје, засега се лишени од тоа задоволство.
Извор 24 Инфо