Според папата Францис, новинарството базирано на озборувања или гласини и медиумите кои стереотипно известуваат и внесуваат страв од мигрантите е исто како и “тероризмот“.
Во неговото обраќање пред италијанските новинари, поглаварот на Римокатоличката црква порача дека репортерите мора подлабоко да гледаат на овој проблем и да ја бараат вистината.
Ширењето гласини е пример за “тероризам, односно убиство на човек со јазикот“, а тоа уште повеќе важи за новинарите кои имаат многу поголем пристап до јавноста.
Како што пишува „Ројтерс“, голем број на всесници во Италија се исполитизирани и често се употребуваат за да ги дискредитираат луѓето со различни политички гледишта.
Папата, кој често ги брани правата на бегалците и мигрантите, спета дека новинарството не треба да се употребува како оружје за уништување на луѓе или на една цела маса народ.
– Тие ниту смеат да поттикнуваат страв пред самото случување како што е принудната миграција од војна или глад, апелира тој.
Инаку минатата година, десно-ориентираниот весник „Либеро“, веднаш по нападите во Париз, излезе со насловна „Исламски копилиња“, што наиде на негативни реакции кај почитувачите на демократијата.
Друг таков случај беше со „Ил Џорнале“ кој по воената состојба во Либија, на насловната страна „ИСИС доаѓа, да се вооружиме“, алудирајќи дека со мигрантите во Италија може да влезат и терористи.