Папата се врати во хотелот за да си ја плати сметката

Новоизбраниот папата Франсис, денеска се врати во црковниот хотел во кој беше сместен пред именувањето, за да си ја плати сметката.

Папата кој денеска стапи на должност, откако вчера беше избран, побарал од возачот да го однесе до хотелот да го земе својот багаж, кој го оставил во собата.

– Застана во дирекцијата, се поздрави со сите и побара да ја плати сметката за собата, бидејќи сакаше да остави добар пример за тоа како свештените и бискупите треба да се однесуваат, изјави портпаролот на Ватикан, без да го објави износот на сметката.

Папата Франсис синоќа, откако беше избран за поглавар, одби да користи специјална лимузина и се одлучи да користи минибус, заедно со останатите кардинали, изјави портпаролот Федерико Ломбарди.