Компанијата МГ Фешн, која стои зад градбата на комплексот „Гранд“ спроти „ Холидеј Ин“ , влегува во уште еден капитален проект како подарок за Скопје и неговите граѓани а тоа е парк со фонтана на површина од близу 7.500 м2.
Површината со големина колку Плоштад Македонија, е предвидена за нов, урбан, отворен и јавен простор за сите граѓани во рамките на ДУП, Ц08 на територијата на Општина Центар.
Инвеститорот, за овој јавен простор е со визија да се уреди како урбаните паркови во светските метрополи, конкретно како оној на “Porta Nuova” во Милано. За ова ќе треба да се корегира и ДУП-от бидејќи постоечкиот предвидува само партерно уредување со фонтана и споменик. Општината.
– Ваков модерен јавен простор, налик на светските уредени урбани паркови и простори, ќе понуди дополнително заживување и модернизирање на овој дел од центарот на градот, што е во интерес на сите граѓани и целата наша заедница“, изјавуваат од МГ Фешн, додавајќи дека за граѓаните од Ново Маало кои се сопственици на приватните парцели на кои е предвидена јавна површина, предвидено е обесштетување во истиот сооднос како и за останатите сопственици чии парцели се опфатени со новите објекти.