Активистот на Шарената револуција Павле Богоевски денеска, по неколку судски одложувања се изјасни по обвинувањата за нанесување штета на Министерството за клутура за време на протестите.
Богоевски, кој во меѓувреме е избран за пратеник од СДСМ денеска се изјасни за невин по обвинувањето додавајќи дека се гордее со изразеното право на протест.
Јавното обвинителство го товари дека сторил кривично дело учество во толпа што ќе стори кривично дело и за материјална штета од 440 илјади денари.
Државниот службеник од Министерството за култура и сведок на Обвинителството, Дарко Стефановски сведочеше дека ја видел толпата и видел како фрлаат предмети и боја, но сепак, во судницата не можеше да направи проценка колкава е штетата.
Одбраната бараше од него да одговори како работна група во Бинистерството утврдила штета од 2 милиони денари, а бирото за судско вештачење од 440 илјади.
За наредното продолжение одбраната најави дека ќе достави исто така наод од вештачење како доказ за висината на штетата, бидејќи не се согласува со заклучокот на експертите во вештачењето од тужителите.