Славниот писател Ден Браун ја најавува својата нова книга „Инферно“ која се базира на истоимениот дел од трилогијата „Божествена комедија“ од Данте Алигиери. Но, низ вистински пекол поминале преведувачите на романот.
Книгата, што ќе биде објавена на 14 мај веќе крена многу прашина, што не е изненадувачки ако се има предвид медиумското внимание што го предизвикуваат делата на Ден Браун како “Кодот на Да Винчи” и “Ангели и демони”.
Всушност, сега и нема коментари за содржината на новата книга на Браун, бидејќи темата се чува како строга тајна, која ја знаат само Браун и неговиот издавач. Кога сè било подготвено да се преведе книгата на други светски јазици, биле ангажирани единаесет преведувачи кои морале да потпишат посебен договор за тајност.
Преведувачите пристигнале во Италија во февруари минатата година, откако поминале низ ригорозен избор и интервјуа со Браун. Во Милано ги чекале неверојатни услови за работа, кои биле многу постоги од претходно договорените.
Преведувачите работеле во бункер каде имале строго определен распоред. Нивните мобилни телефони биле конфискувани и се контролирал нивниот пристап до Интернет. Конекцијата била обновувана само од време на време, за да авторот и издавачите бидат сигурни дека содржината нема да протече пред да се објави книгата.
Од работното место во еден изолиран хотел, секој ден ги носел минибус придружен со обезбедување, можеле да јадат само на една одредена маса и храната се подготвувала исклучиво за нив.
Контактите со семејствата биле прекинати и тие секој ден останувале на работа до доцна во вечерните часови. И покрај ваквиот режим, ниту еден од преведувачите не се откажал.
Преведувачот од Бразил Fabiano Morais признава дека работат во необични околности: “Мора да кажам дека тоа беше необично да работам на мојот компјутер, а да не сум поврзан на Интернет, особено на почетокот. Но, потоа се се навикнав .”
Секој пат кога го напуштале бункерот каде работеле преведувачите, морале да достават доказ дека имаат причина за пауза и местото каде што биле со детално објаснување.
“Пеколот” е последната книга на Браун за професорот Роберт Лангдон, кого читателите го запознаа преку светските бестселери „Кодот на Да Винчи” и „Ангели и демони”.