Претседателот Пендаровски по денешната седница на Советот за безбедност , одговарајќи на новинарско прашање за реакцијата од бугарското министерство за надворешни работи за средбата со претставниците на македонската заедница во Бугарија, рече дека и самиот бил изненаден зашто реакцијата била само констатација без супстрат, без аргумент.
-Ако некому смета самата средба на претседател на државата со Македонци кои живеат било каде во светот,тоа не е мој, не е наш проблем. Ги сослушав Македонците од Бугарија и ги упатив дека остварувањето на нивните права може да го направат само во рамки на државата во која живеат или преку меѓународните судови, информира Пендаровски за разговорот со претставниците на македонските здруженија од Бугарија.
– Дали некому воопшто пречи самата средба затоа што од соопштенијата кои јас ги дадов, изјавите кои ги имавме јас и луѓето кои беа кај мене на средба произлегува за што сме зборувале и таму нема апсолутно ништо спорно, ниту една точка и запирка од изјавеното од моја и од страна на моите соговорници, не оди контра Договорот од 2017 година, рече Пендаровски.
(М.Т.)