Портпаролот на Кремљ, Дмитриј Песков, изјави дека рускиот претседател Владимир Путин во моментов нема планирани контакти со новоизбраниот унгарски премиер Петер Маѓар, но дека очекува тие „на крајот да се случат“.
Кремљ денеска соопшти дека нема да му честита на новоизбраниот унгарски премиер Петер Маѓар за изборната победа по парламентарното гласање одржано еден ден претходно.
Ние не испраќаме честитки до непријателски земји. А Унгарија е непријателска земја, таа ги поддржува санкциите против нас, изјави портпаролот на Кремљ, Дмитриј Песков.
Песков додаде дека Москва имала дијалог со премиерот во заминување Виктор Орбан.
Во интервју за државната новинска агенција ТАСС, Песков изјави дека рускиот претседател Владимир Путин во моментов нема планирани контакти со Маѓар, но очекува тие „на крајот да се случат“.
Маѓар, пак, денеска изјави дека, доколку рускиот претседател Владимир Путин му се јави, тој би разговарал со него и би му рекол да ја заврши војната во Украина.
Претходно денеска, Песков им изјави на новинарите дека гласачите во Унгарија го направиле својот избор и дека Русија го почитува исходот од неделните избори, на кои Маѓар го победи Орбан, ставајќи крај на неговото 16-годишно владеење.
Тој рече дека Русија и понатаму е заинтересирана за одржување добри односи со Унгарија, како и со другите европски земји, и посочи дека има изјави кои укажуваат на подготвеност за дијалог.
Се надеваме дека ќе ги продолжиме нашите многу прагматични контакти со новото унгарско раководство, рече тој.
Според Националната изборна канцеларија на Унгарија, опозициската партија Тиса, предводена од Маѓар, освоила 69,35 отсто од гласовите и 138 пратенички места, со обработени 98,94 отсто од гласачките ливчиња.
Портпаролот на Кремљ, Дмитриј Песков, изјави дека Русија го почитува исходот од гласањето во Унгарија и очекува да ги одржи контактите со новото раководство на земјата.
Победникот на изборите во Унгарија, Петер Маѓар, денеска изјави дека, доколку рускиот претседател Владимир Путин му се јави, тој би разговарал со него и би му рекол да ја заврши војната во Украина.
– Ако Владимир Путин се јави, ќе кренам. Ако навистина разговараме, би можел да му кажам дека би било добро да се запре убивањето по четири години и да се стави крај на војната. Веројатно тоа би бил краток телефонски разговор и не мислам дека тој би ја завршил војната по мој совет – рече тој на својата прва прес-конференција по убедливата победа над премиерот Виктор Орбан, сојузник на Путин.
Изјавата на Маѓар веројатно била дочекана со задоволство од многумина низ Европската Унија, кои веќе биле навикнати на помирливиот тон на Орбан кога станува збор за војната или за Путин.
Од еуфоричните толпи покрај Дунав во Будимпешта до извршните канцеларии во Брисел, пофалби, па дури и нескриена радост, се ширеа за идниот унгарски лидер откако тој победи на неделните избори со убедлива разлика. Но, изливот на реакции по неговата победа главно беше насочен кон изгледите повеќе да не мора да се соочуваат со Орбан, кого многумина го сметаа за закана за мирот и просперитетот на Европа.