Министерството за внатрешни работи продолжува со интензивната потрага по детето Петар Џобоски, за кое во петокот вечерта неговиот родител пријавил дека се оддалечило од домот во село Врбско, општина Прилеп.
Во потрагата се вклучени и членови на Територијалната противпожарна единица Прилеп, членови на спасителната служба „Златоврв“, ловното друштво „Мукос“-Прилеп, жители на околните села, како и граѓани доброволци од неколку градови.
Со сопствени средства, со теренско возило и со дрон во потрагата се вклучија и од Доброволното противпожарно друштво „Архангел“-Битола.
До сите граѓани уште еднаш апел – доколку имаат каква било информација која би помогнала за пронаоѓање на детето, да ја споделат веднаш со полицијата и да помогнат во потрагата, којашто продолжува.