„Оваа влада започна многу болни реформски процеси и мене лично ми се допаѓа тоа што не се однесуваат калкулантски. И тоа изненади многумина. Маани може секогаш да се наоѓаат, а и секој кој работи и греши, безгрешни се само оние кои никогаш ништо не сработеле и силата ја црпеле од политичките кујни“ рече поранешниот пратеник и градоначалник Андреј Петров во интервју за „Рацин“.
Тој додаде дека сегашното раководство на СДСМ предводено од Ковачевски се обидело да вклучи поголем број на луѓе и поранешни партиски активисти.
„И голем број луѓе тоа го прифатија. Сите кои чесно ќе одговорат на тоа прашање знаат дека тоа е така. А дали некој бил спремен на таков чин, тоа е сепак личен став. Секој со свој памет оценува што е добро а што не е. Суштински не гледам мотив да бидете против, бидејќи не може секогаш да бидете во центарот на вниманието“ рече Петров.
Тој повика дека најважна во моментов е одлучноста и решеноста да се извози европскиот пат на земјава, бидејќи нема алтернативно решение.
„Често седам со млади луѓе, мои студенти, идни доктори кои 80% учат германски уште за време на студии па ги пакуваат потоа куферите за Германија. Ајде да ги задржиме тука за да не плачеме после тоа дека не ни го бива здравството. Треба да ја прекинеме голготата од иселување и да ја денесеме Европа дома. Па не сме ние поглупави ни од Бугарија, ниту од Романија, ни ту пак од Унгарија и другите што беа многу позади нас, а денес се далеку пред нас“ рече Петров.