Минимални победи на Шкендија и на Вардар, значајна на Академија Пандев во походот кон историски излез во Европа. Струмичките „академци“ го совладаа Силекс со 2:0 во натпревар од 23. коло во домашниот фудбалски шампионат и останаа на второто место на табелата меѓу тетовски и скопските „црвено-црни“. Двата гола на стадионот „Младост“ ги постигна Љупче Дориев, двата од пенал во 22. минута и во 55. минута за 13. радост во сезоната.
Вардарци на стадионот „Борис Трајковски“ славеше над Шкупи со 1:0 со погодокот на Дарко Мицевски во 20. минута од пенал. Реализацијата на Стенио Жуниор во 53. минута, пак, беше доволна за Шкендија за триумф над Работнички.
Македонија во Ѓорче Петров ја порази Беласица со 2:1, а Ренова на СЦ „Билјанини извори“ ја доби голеадата со прилепска Победа со 3:2.
Следува пауза во Првата македонска фудбалска лига поради мечевите на „А“ репрезентацијата против Летонија (21 март во Скопје) и против Словенија (24 март во Љубљана) во квалификаците за ЕП 2020. Наредното, 24, коло е на програмата на 28 март.
Прва лига, 23 коло
Шкендија – Работнички 1:0
Вардар – Шкупи 1:0
Академија Пандев – Силекс 2:0
Македонија Ѓ.П. – Беласица 2:1
Победа – Ренова 2:3
Табела: Шкендија 50, Академија Пандев 42, Вардар 42, Шкупи 33, Работнички 31, Ренова 30, Македонија Ѓ.П. 26, Силекс 24, Беласица 19, Победа 18.
Идно коло (28 март): Силекс – Шкендија, Победа – Академија Пандев, Работнички – Вардар, Шкупи – Македонија Ѓ.П., Ренова – Беласица.