Не можеше да зборува од 2003 година, кога на возраст од дваесет години се парализирал поради тежок мозочен удар доживеан по страшна сообраќајна несреќа.
Но, сега науката доведе до пресврт. Научниците ги искористиле говорните подрачја на неговиот мозок, овозможувајќи му да создава разбирливи зборови и реченици едноставно преку обид да ги изговори. Кога човекот познат под прекарот Панчо, се обидува да зборува, електродите вградени во неговиот мозок, ги пренесуваат сигналите во компјутерот, кој на екранот потоа ги прикажува неговите предвидени зборови.Неговата прва реченица била: „Моето семејство е надвор“.
Веста за научното достигнување е објавена деновиве со цел да се дознае за методата која конечно може да им помогне на многу пациенти на кои им е одземена способноста да зборуваат.
„Ова е подалеку, од она што сме го замислувале дека било кога би можеле да одиме “ изјавила Мелани Окен. Професор по неврологија и педијатрија на Универзитетот за здравје и наука во Орегон , која не била вклучена во проектот.
Пред три години, кога Панчо кој сега има 38 години, прифатил да работи со научници од неврологијата, воопшто не биле сигурни дали неговиот мозок воопшто го задржал механизмот за говор.
„ Тој дел од неговиот мозок можеби мирувал и едноставно не знаевме дали некогаш ќе се разбуди како би можел повторно да прозборува“ изјавил др. Едвард Чанг, претседател на невролошката хирургија на Универзитертот во Сан Франциско, Калифорнија, кој го водел истражувањето.
Тимот имплантирал правоаголен лист од 128 електроди, дизајниран да детектира сигнали од говорните сензорни и моторни процеси поврзани со устата, усните, вилицата, јазикот и гркланот.Во педесеттата сесија, во текот на 81 недела , го поврзале имплантот со компјутерскиот кабел кој бил прицврстен за „порт“ во главата на Панчо, и го замолиле да се обиде да ги изговори зборовите од листата од 50 вообичаени меѓу кои ,,гладен“,„ музика“, „компјутер“..
Како и тој , електродите ги пренесувале сигналите во облик на вештачка интелигенција која се обидувала да ги препознае зборовите со кои се имало намера да се објасни еден поим или состојба, желба..
„ Нашиот систем ја преведува мозочната активност, која нормално би го контролирала неговиот вокален тракт директно во зборови и реченици, изјавил Давид Мозес инжинер на постдокторски студии инаку водечки автор на студијата.
Панчо, кој барал да го препознаат само по прекарот, поради заштита на приватноста, се обидувал да изговори 50 зборови во 50 различни реченици.
Во една од сеансите како одговор на прашањето: „Како сте денеска“?
Неговиот одговор прикажан на екранот бил: „Многу сум добар“.