Дваесет години од убиството на српскиот новинар Славко Чурувија денеска во Белград треба да биде соопштена пресудата на четворица припадници на Државната безбедност обвинети дека по налог на тогашната власт го убиле новинарот.

За обвинетите Радомир Марковиќ, Милан Радоњиќ, Мирослав Курак, кој е во бегство и Ратко Ромиќ се бара највисока казна од 40 години затвор.
Ова ќе биде прва пресуда за убиство на новинар во Србија. Чурувија беше убиен пред 20 години, на 11 април 1999 година со 14 куршуми во преминот во зградата во која живееше и работеше во Белград.
Целиот случај не беше помесетен од почетна точка се до смената на режимот во 2000 година.
Според српските медиуми, првата година од убиството јавната безбедност и полицијата не знаела дека Државната безбедност го следи Чурувија, се до 5 октовмри 2000 година кога во јавноста се појави неговото досие, со што било докажано дека зад неговорот убиство стои оваа институција.
Во текот на овие 20 години, истрагата се соочила со многу опструкции, сведоците добивале закани, поради што давале конфузни изјави дека не се сеќаваат, а закани со убиство добивал и главниот полициски истражител Драган кецман, како и оперативецот кој побара да се испитаат припадниците на Единицата за специјални операции. Во врска со овој слулчај, познато е и дека вработениот во тогашниот Мобител благодарение на кого се дошло до податоци од базните станици на мобилната телефонија, добил отказ и долго време не можел никаде да се вработи.
Судењето започна по 16 години од убиството. На самиот почеток, рочиштата се одржуваа ретко, но под притисок на јавноста тоа се промени. Најголемо внимание во јавноста предизвикаа одредени одлуки на судскиот свет, пред се отфрлањето на доказите кои се сметаат за клучни или тоа што не му било дозволено на полицискиот инспектор да сведочи за наодите на истрагата туку само за процедурални работи.
Поради ова, Комисијата за истрага на убиството на новинарот се посомнева дека судиите се обидуваат да издејствуваат ослободителна пресуда. Поради тоа имаше обвинувања на сметка на претседателот на оваа комисија дека врши притисок врз судот.
Според српските медиуми, каква и д абиде пресудата таа претставува чекор напред и мотивација да се истражат и другите случаи, иако како што се наведува нема да го даде одговорот кој е нарачателот на убиството на Славко Чурувија.





