Пејачот на планетарно познатата група „Квин“, Фреди Меркјури почина во 1991 година. на возраст од 45 години.
Иако многу луѓе му оддаваат почит на денот кога тој починал, но јавноста никогаш не дозна каде е гробот на легендарниот рок пејач. Сите негови обожаватели знаат дека тој бил кремиран, но досега не беше познато каде е неговото вечно почивалиште.
Синоќа, британските таблоиди стапија во контакт со фотограф, кој засега останува анонимен, а кој тврди дека открил надгобна плоча со натпис “Тука почива во мир Farrokh Bulsara” во „Kensal Green“ гробиштата во Лондон.
Фарук (Farrokh) беше вистинското име на славниот пејач со потекло од Занзибар.
Членовите на неговото семејството се уште ниту потврдуваат ниту демантираат дали се работи за вечното почивалиште на Фреди Меркјури.